THE TALLAMAN
Have ye seen the Tallaman
Wi’ his bag o’ fancy wares?
Have ye seen him march alang,
Wi’ sic majestic airs?
Have ye seen him ply his trade
Like some big London swell,
Seekin’ wi’ mony a curious way,
His fancy wares tae sell?
A blither chap ye’ve never seen –
He’d always be yer bosom freen’.
He banters every housewife
His fancy wares tae try,
In a better market
He swears ye canna buy.
A washin’ brod or scrubber,
Claes powls , pins and rape,
There’s no anither agency,
Sic wares can sell sae cheap.
A smarter man ye’ve never seen –
He’d always be your bosom freen’
From a needle tae an anchor,
By him can be supplied.
Every sort o’ tradesman
By him are a’ defied,
Gin ye want a set o’ studs,
Sleeve links or silver watch,
From the noble Tallaman
Ye’re shair tae get a catch,
A cuter chiel ye’ve never seen –
He’d always be your bosom freen’.
