ON THE EVE OF THE PARLIAMENT DISSOLVING
Ye Tory chiels, I’m gled tae hear
Your tether end is drawing near
Tho’ in the shade we’ve been this while,
We’re forming up in richt guid style;
Oor forces noo are maist perfection,
And fit tae fight at the coming election.
But noo, ma freen’s, I maun tell ye a’
Nae muckle langer will ye craw;
In Westminster Hoose, as faur’s I can see,
Nae langer there you chiels can be;
We want a change, and you’ve ta’en the hint,
The reason why you’ll find in print.
The dissolution’s signed on your ain accord,
You’ve boldly drawn the ballot sword;
But min’ ye, when you toe the scratch,
You’ll find ance mair you’ve met your match,
And tho’ you look gey prood and game,
When the tussle’s bye you’ll gang sadly hame.
