HALLOWE’EN
Ance mair, ance mair, ma cantie freen,
We’ve had a visit o’ hallowe’en,
The couthie chap is keepin’ weel,
And aye as rough as Tam the deil,
In honour o’ his visit here.
The lasses made sic an unco steer;
Wi’ lang tile hats a’ buskit braw,
Coat and vest and breeks and a’,
They louped and ran like the very de’il,
They gar’d the bairnies loodly squeal;
Thro’ closes, up stairs, banging doors,
Ye micht hae heard their fearfu’ roars.
We’d sic a lively nicht yestreen,
We’ll aye keep mind o’ Halloween
