DISCONTENTMENT
Discontentment, thou fractious loon,
Why do ye wander the warl’ aroon,
Scattering envy everywhere
Clouds o’ gloom and dark despair?
Why is your speech sae bitter and gruff?
O’ riches and grandeur hae ye no’ got enough?
Discontentment, greedy auld carle,
You’d like a’ the siller that’s made in the warl’,
In your sleeky e’e and hawklike face
The picture o’ greed I can easily trace,
Why don’t ye listen quietly to reason,
And quat a’ your capers that are just for a season?
Discontentment, hard miserly chiel,
Your actions in life dinna look weel,
You deserve the name Rogue, Knave, or Cheat,
For aye when simple folk ye meet
You put in their heart a venomous sting
That covets and grabs at everything.
Discontentment, ye ocht tae think shame,
Your fine cairry-ons hae blackened your name;
The terrible prices for victuals and coal,
Wi’ taxes and rent, we scarcely can thole.
In the struggle for life there are thousands that fa’,
Yet spite o’ the sorrow you’re aye grabbin’ awa’.
Discontentment, for the sake o’ yoursel’,
A lang-faced story ye needna noo tell;
Gin it be true what I’ve oft heard say,
It’s time for ye noo tae alter your way,
And part wi’ a’ your ill-gat booty,
Or be nabbed at the last by dear auld Clootie
