AULD SEESTU’S CLIQUE
Auld Seestu’s clique, fat and sleek,
Are fu’ o’ curious fancies;
They’re fond o’ sprees and cosy teas
And fancy ballroom dances.
Cake and wine, they like it fine
When at a burgess dinner;
’Mang clouds o’ smoke, they crack and joke,
Hoodwinking mony a sinner.
They are fond o’ bowls and rugby rules,
And ilk fine sport in simmer,
Without a tear, grabbing gowden gear,
They praise ilka sonsie kimmer.
They like a sneeze o’ the evening breeze
When fishing ower the water;
The trout and brace they can fairly chase,
And gar them quickly scatter.
Auld Seestu’s clique do always seek
To increase their gowden treasure,
Laughing up their sleeve, the loons believe
We’ve nae need for joy nor pleasure.
When a change is made they snub a’ trade
And gar ye loup wi’ anger
Tae gat oot the scrape, when fares are chape
We a’ should go tae Bangor.
